Escola de Música
Municipal de Valga

A escola

Os alumnos

As clases e actividades

Escola de Música de Valga

Está formada por máis de 20 mestres que atenden a formación de preto de 200 alumnos que estudan seguindo unha das matrículas máis completas que existen neste tipo de centros.

Comezamos dende a base, cunha actividade pioneira de Iniciación Musical e Música para Bebés de 0 a 2 anos. A educación musical temperá ten como obxectivo o descubrimento e desenvolvemento das capacidades sensoriais e psicomotoras do neno/a.

Os nenos e nenas de entre 3 e 7 anos, colectivo que supón xa máis do 25% do alumnado e sigue medrando nestes últimos anos, asisten a clases de Música e Movemento onde se divirten e aprenden música bailando, cantando e tocando pequenos instrumentos.

Dende os 8 anos o alumnado traballa o ritmo musical, a entoación e a teoría dentro da materia de Linguaxe Musical á vez que comeza o estudo dun instrumento, que poden escoller dentro da gran oferta actual.

Esta formación compleméntase coa oferta de numerosas materias: Historia da Música, Harmonía, Improvisación, Combo, Piano complementario… que garanten a mellor formación posible para todas aquelas persoas que desexan instruírse musicalmente.

Escola Banda de Valga
Escola Banda de Valga

O alumnado

O alumnado da Escola de Música participa nas diferentes agrupacións: grupos de vento metal, grupos de vento madeira, grupo de percusión… pero en especial na Banda Infantil, na Orquestra Peque e na Xove Banda, as cales supoñen os pasos previos antes de entrar a formar parte da Banda de Música Municipal de Valga e da Orquestra Clásica.

Ademais, para aquelas persoas que teñan inquedanzas noutros eidos musicais coma o jazz, a Escola conta coa Big Band.

Clases

$

Iniciación Musical e música para bebés.

De 0 a 2 anos.

$

Música e Movemento.

De 3 a 7 anos.

$

Linguaxe Musical.

– Ritmo.
– Entoación.
– Teoría musical.

$

Instrumentos.

– Frauta.
– Óboe.
– Fagot.
– Clarinete.
– Saxofón.
– Trompeta.
– Trompa.
– Trombón.
– Bombardino.
– Tuba.
– Violín.
– Viola.
– Violoncello.
– Contrabaixo.
– Percusión.
– Piano.
– Acordeón.
– Guitarra.
– Canto.

Outros:

– Gaita galega.
– Percusión tradicional.
– Danza, movemento e expresión corporal.
– Formación musical para adultos.

Actividades

$

Concertos durante todo o curso.

$

Concertos didácticos.

$

Saídas culturais e didácticas.

$

Campamentos de verán.

Fantástica experiencia formativa con 12 edicións xa celebradas onde os alumnos de instrumento viven a música intensamente durante algo máis dunha semana á vez que estreitan lazos de amizade e coñecen outros lugares.

$

Preparación para as probas de ingreso no Conservatorio de Grao Profesional.

A cal conta na actualidade cun 100% de aprobados.

Escríbenos

Nuevo campo

4 + 8 =

Responsable do tratamento: Asociación Cultural Musival. Finalidades: Xestión das consultas recibidas dende a web. Lexitimación: O interese lexítimo de ambas partes. Destinatarios: Non se efectuará comunicación a outras entidades, salvo obriga ou necesidade legal. Tampouco transferencias a terceiros que non ofrecen garantías adecuadas. Dereitos: Acceder, rectificar e suprimir os datos e outros dereitos, como se explica na política de privacidade. Procedencia dos datos: Do interesado.